Forhistoria på rull

Vi tek elevane med på ei tidsreise, ei reise gjennom forhistoria frå siste istid og fram til historisk tid.

Godt planta på skinn av sel, reinsdyr, sau og geit samlar vi oss rundt tidslina. Her får barna visualisert kor lang den forhistoriske tida er, og kor kort den historiske tida er.

Tidslina viser funn gjort i Noreg. Gjenstandane vi har med er kopiar av funn stort sett frå Møre og Romsdal; pilspissar og sverd, fiskekrok og spinnehjul, drakter og smykke.

Nærkontakt med gjenstandar frå steinalder til jarnalder vil, saman med aktivitetsbasert formidling og forteljing, gje ei oppleving av ei fjern og spennande fortid.

Produksjonen fekk pris for beste utstillings- og formidlingsidé, på Norges Museumsforbunds landsmøte i Tromsø hausten 2013.

Om utøvarar og produsentar

• Arrangert av: Møre og Romsdal fylkeskommune
• Produsent: Ingvill Naalsund og Heidi Haugene,  Stiftinga Sunnmøre museum
• I samarbeid med: Musea i Møre og Romsdal

Om kunstnar / utøvar / gruppe